Jiyan

Ciwanê seqet li Îdlibê ji bo kesên wesleyê xwe winda kirine protezan çêdike

Ebdulmewla Îbrahîmê ku di şerê navxweyî yê li Sûriyeyê da lingê wî yê çepê seqet ma: "Heta niha ji bo 300-400 kesî min protez çêkir"

Abdullah Tel   | 24.09.2020
Ciwanê seqet li Îdlibê ji bo kesên wesleyê xwe winda kirine protezan çêdike

El Bab

Ebdulmewla Îbrahîmê 23 salî ku di şerê navxweyî yê li Sûriyeyê da nîvê lingê wî yê çepê seqet ma bo hînî çêkirina protezan bibe 3 sal ji ser înternetê agahî berhev kir û xwe elimand û niha jî ji bo kesên wesleyê wan seqet bûne protezan çêdike û dilê wan xweş û rûyê wan geş dike.

Îbrahîmê ji Îdlibê di sala 2012an da di êrîşeke çekdarî da birîndar bû û paşê lingê wî yê çepê ji nêvî seqet ma.

Ew bi piştevaniya malbat û hezkirên xwe bêhêvî nebû û saziyên alîkariyê jê ra ji protezê wesle çêkirin û dan wî.

Bi vê derfetê Îbrahîm xwest ku ji bo kesên wek wî wesleyên wan zirar dîtine ra bibe alîkar dest bi xebatan kir û ji ser înternetê 3 sal ji dûr va perwerdehiya protez-ortezê hilda.

Ciwanê zîrek paşê ji bo tiştên hîn kiriye ji bîr neke û wan bikarbîne çû navendeke protez lê tên çêkirin û dest bi xebatê kir.

Di vê qadê da Îbrahîm xwe elimand û derbasî navçeya Baba ku di sala 2017an da ji destê rejima Esed û piştgirên wî hatibû xilaskirin bi cih bû.

Îbrahîmê ku seqet e û wek wesle protez diemilîne ji bo kesên wek xwe ji heyatê dûr nemînin û bikaribin kar û barên xwe bikin protezên wan temîr dike û ji bo wan protezan çêdike.

Ew him di qada derûniyê da û him jî bi halê xwe ji bo kesên seqet kesekî mînak e û piştgiriyê dide wan.

Îbrahîmê ku zewiciye û zarokek wî jî heye li navçeya Babê di navendeke protezan çêdike da dixebite û bi vî karî debara mala xwe jî dike.

- "Heta niha ji bo 300-400 kesî min protez çêkir"

Îbrahîm daxuyanî da nûçegihanê AAyê û got ku ew piştî seqet ma biryar da ku ewê xwe bernede û têkoşîna xwe bidomîne û wiha domand: "Digel her tiştî divê em bijîn. Min heta niha ji bo 300-400 kesî wesleyên protez çêkirin. Min ji wan ra qala xwe û heyata xwe kir û xwest ku bila ew dev ji heyatê bernedin. Dema ew dibînin ez jî mîna wan seqet im, şaş û metel dimînin û paşê çav didine min û bi wêrekî tevdigerin."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın