Çem û çavkaniyên Munzurê bi geştiyaran şên bû

Li Ovacixa navçeya Tunceliyê çem û çavkaniyên Munzurê bi geştiyaran şên bû.

Geştiyarên ji bo gerê tên li deverên dîrokî û tebiî yên herêmê digerin.

Çem û çavkaniyên Munzurê ku di sala 2001ê da weke qada parastî hat îlankirin li gundê Ziyaretê ye û her demsal bal û dêna geştiyaran dikişîne.

Di betlaneya Eyda Qurbanê da geştiyaran berê xwe dan çem û çavkaniyên bi avgur, gol û kulîlkan şên bûye.

Geştiyarên li herêmê derdikevin ger û geştê him kêf dikin û him jî wêneyên derdorê dikişînin.

Ji geştiyaran Fatîh Kaya daxuyanî da nûçegihanê AAyê û diyar kir ku ji Elezîzê ji bo gerê hatiye navçeya Ovacixê.

Îsmaîl Sevînç jî destnîşan kir cara ewil tê Tunceliyê û got ku pir ecibandiye.

Umran Ozmen jî diyar kir ji ber dîmenê çem û çavkaniyên Munzurê kêfxweş bûye û got ku dîmen û dengê avê pir xweşa min çû.