Bexçeyên zerdeliyan ên li Îdirê bi hatina biharê kulîlk vekirin ji bo ziyaretvanan bûn rawestgeha kêf û gerê.

Bajarê Îdirê yê ku li herî rojhilatê Tirkiyeyê ye û ser sînorê Ermenistan, Nahçîvan û Îranê ye ji ber pozîsyona erdnîgarî, şertên av û hewayê wekî "Çukurovaya Rojhilat" tê binavkirin. Bi cureyên nebat û heywanên beyanî yên li wir gelek in va jî balê dikşîne.

Li bajêr bi hatina biharê va bexçeyên darên zerdeliyan ku bi nav û deng in bi kûlîlkan xemilîn. Demsal bihare û ji ber ku Îdir jî di nav Çiyayên Arasê da ye ji çar aliyê wê behna biharê tê û ziyaretvan naxwazin ji vê xweşoyê mehrûm bimînin.

Li bajêr di bexçewyên zerdeliyan da salê bi qasî 45 hezar ton zerdelî tên rakirin û piraniya pêwîstiya zerdeliyan a Tirkiyeyê ji vê derê tê temînkirin. Zerdeliyên ku havînê ji bo şêniyên bajêr di qada aboriyê da gelek bi kêr tên biharê jî bi kulîlkên xwe va dilan geş dike.

Bexçeyên darên zerdeliyan lê ne di vê demê da ji ber vekirina kûlîlkan ziyaretvanan diezimîne.

Ekîba Ajansa Anadoluyê (AA) ji xweşiyên di nav dar û berên zerdeliyan da çêbûne mehrûm nema û bi droneyê va hemû xweşî kişand.

Darên zerdeliyan ên kûlîlk vekirine ji hewayê va mîna xêliyeke spî li xwe kiribin xuya dikin.

Şaredarê Bajaroka Melekliyê Eray Coşar daxuyanî da nûçegihanê AAyê û got ku Îdir bajarekî xweş e û darên wan ên zerdeliyan jî wek nîşaneya bajêr in û bi hatina biharê û vekirina kûlîlkan va çar alî gelek xweş bû.