Wezîrê Hawirdor, Bajarvanî û Guherîna Av û Hewayê Murat Kurum dîmenên qadên jiyayê yên nû yên Îndereya Adiyemanê parvekir ku piştî erdhejê ji nû va hatin çêkirin.

Kurum li ser hesabê xwe yê NSosyalê dîmenên rewşa dawîn a Îndereyê parve kir û got, "Çîroka me ji nû va dest pê dike."

Li gor daxuyaniya ku ji Wezareta Hawirdor, Bajarvanî û Guherîna Av û Hewayê hat dayîn, li Îndereya ku li Tirkiyeyê şantiyeya herî mezin a duyemîn e, di kordîneya TOKIyê da û bi destê Midûriya Giştî ya Emlak Konutê li ser qadeke 5 milyon mêtreqare qadên jiyanê hatin avakirin.

Li gor daxuyaniyê li herêmê bi tevahî 16 hezar û 822 çaviyên serbixwe hatin avakirin, 9 hezar û 500 endezyar, mîmar û karker tê da xebitîn û 16 hezar û 467 jê xanî, 355 jê kargeh in, heta niha ji 9 hezarî zêdetir xanî û kargeh teslîmî xwediyên wan kirine.

Di daxuyaniyê da hat gotin ku li Îndereya Adiyemanê ji bo nêzî 100 hezar kesan avahiyên bikonfor û ewledar hatin çêkirin, li bajêr heta niha 29 hezar û 783 avahî, 1767 kargeh, 6 hezar û 607 malên gundan, bi tevahî 38 hezar û 157 çaviyên serbixwe hatin teslîmkirin.

Li gor daxuyaniyê heta dawiya salê 30 hezar û 835 xanî, 2 hezar û 580 kargeh û 10 hezar û 158 malên gundan bi tevahî çêkirina 43 hezar û 573 xanî û kargehan wê werin kutakirin.