Walîtiya Meletiyê ragihand ku li Meletiya ku erdhejên navend Kaharamanmaraş tesîr lê kirin da heta niha 1346 kes mirin û 6 hezar û 962 kes birîndar bûn, 1154 avahî xira bûn.

Di daxuyaniya walîtiyê da der barê rewşa dawîn a li bajarê ku erdhejên bi mezinahiya 7,7 û 7,6 ên navend Kahramanmaraş tesîr lê kirin da agahî hat dayîn.

Hat ragihandin ku li bajêr heta tesbîtên îro 1346 kes mirine, 6 hezar û 962 kes birîndar bûne, 1154 avahî xira bûne û 7 hezar û 129 avahiyên zirardîtî hatine tesbîtkirin.

Di daxuyaniyê da hat gotin ku bi firokeyê zêdetir navçeyên Akçadag û Doganşehîrê dest bi belavkirina melzemeyên alîkariyê kirin û hat diyarkirin ku di 4 rojên dawîn da 50 tûr avêtin û melzeme belav kirin.

Di daxuyaniyê da hat ragihandin ku ji Meletiyê bi otobêsan 25 hezar, bi rêya asîmanî jî 23 hezar û 303, bi trênê jî 29 hezar û 398 kesî veguhestin bajarên din.

Hat ragihandin ku her wiha ji bo kesên erdhej tesîr lê kir 18 hezar û 252 kon hatin vedan.