Serokomar Recep Tayyîp Erdogan avahiya xizmetê ya nû ya Walîtiya Meletiyê vekir.

Serokomar Erdogan ji bo ku beşdarî bername û vekirinên cihê bibe hat Meletiyê.

Erdogan pêşî beşdarî merasima vekirina avahiya xizmetê ya nû ya Walîtiya Meletiyê ya ku hat temamkirin, bû.

Erdogan dema hat walîtiyê silav da mangaya merasimê û piştî diaya hat kirin got ku bila avahiya walîtiyê ji bo Meletî û gelê Meletiyê bi xêr be û kurdele birî.

Serokomar Erdogan piştî vekirinê Walîtiyê ziyaret kir û ji Walî Seddar Yavuz der barê xebatên li bajêr agahî hildan.

Di ziyareta ku ji çapemeniyê ra girtî hat kirin da Erdogan lênûska şerefê ya Walîtiyê îmze kir.

Wezîrê Hawirdor, Bajarvanî û Guherîna Av û Hewayê Murat Kurum, Wezîrê Karên Navxweyî Alî Yerlîkaya, Waliyê Meletiyê Seddar Yavuz, Serokê Şaredariya Bajarê Mezin a Meletiyê Samî Er, Cîgirê Serokê Giştî yê AK Partiyê Mustafa Elîtaş û parlamenterên AK Partiyê beşdarî merasima vekirinê bûn.