Serokomar û Serokê Giştî yê AK Partiyê Recep Tayyîp Erdogan got ku "Bi eyan û beyan hat dîtin ku bi terorê encam nayê bidestxistin.Ji xeynî xwe tesfiyekirinê tu alternatîfeke din a rêxistina dabeşkar nemaye. Teror û demokrasî li ba hev nabin."

Serokomar Erdogan di Kongreya Asayî ya Bajêr a 8emîn a partiya xwe ya ku li Hêwana Werzişê ya Girtî ya GAP Arenayê hat lidarxistin da axivî.

Serokomar Erdogan di axaftina xwe da destnîşan kir ku her cure helwestên vederkirî yên ku qesdî biratiya hezar salî ya li van axan dikin qewirandin û got ku " Helwestên ciyawaz di siyaseta me da cî negirtin."

Erdogan wiha axivî: "Me heta îro her dem biratiyê parast, em ê dîsa biratiyê biparêzin. Em ê tu carî firsendê nedin kesên hewl didin ku me bikin dijminê hev. Em ji ser nijadê ciyawazkirina gel, ji ser baweriyê dabeşkirina mirovên me, ji ser şêwaza jiyanê marjînalîzekirina welatiyên xwe red dikin. Wek Tirk, Ereb, Kurd, Tirkmen em yek in, bi hev ra ne. Em ewladên heman ax, dîrok û dahatûyê, şaxên heman çinarê, rêwiyên heman evînê ne."

Serokomar Erdogan got "Yên ku ji bo xilasbûna zilma Baasê şa nabin herçiqas qebûl nekin jî serkeftina birayên me yên Sûriyeyî wek cîranên wan serkeftina me ye jî"

Serokomar Erdogan da zanîn ku emrê vê lîstika qirêj a terorê qediya û axaftina xwe wiha berdewam kir:

"Dewra kesên ku bi destê rêxistinên terorê herêma me mêtin qediya, heya kesên ku terorê wel amûrek, wek maşeyek bi kar tînin qediya. Bi eyan û beyan hat dîtin ku bi terorê encam nayê bidestxistin.Ji xeynî xwe tesfiyekirinê tu alternatîfeke din a rêxistina dabeşkar nemaye. Teror û demokrasî li ba hev nabin. Yan dê ew çekên berê wan li welatê me ye dê bên veşartin yan jî yên ku berê çeka xwe didin Tirkiyeyê dê bên veşartin. Ji xeynî vê rêyeke sêyemîn tune, alternatîf tune. Ji bo xilasbûna terorê, xurtbûna biratiyê hêviyek çêbû, atmosfereke gelekî erênî derket holê. Em atmosfera erênî ya li sehneya siyasetê gelekî biqîmet dibînin."

Serokomar Erdogan got ku "Ez dixwazim vê bixim bîra mîhraqên biyanî yên ku rêxistina dabeşkar û birayên me yên Kurd dixin heman cihê û darazê didin,biqasî yê ku hûn dizanin yên me ji bîr kiriye heye."