Serokomar Recep Tayyîp Erdogan li Meydana Komarê ya Burdurê di mitîngê da axivî, "Em di her şert û mercê da pabendî prensîba xwe ne ku xebatkar, karmend û malnişînên xwe bi enflasyonê nedin perçiqandin."

Serokomar Erdogan li ser kêmkirina enflasyonê sekinî û wiha got, "Armanca me zêdekirina refaha mayînde ye. Ji bo vê divê em enflasyonê daxin reqamên kit. Me berî niha ev çawa pêk anîbe, em ê dîsa serkeftî bin. Bi zêdebûna derfet û dahata dewleta me va û kêmbûna barê ser stuyê dewletê va çavkanî çiqas zêde bibin, em ê ewqas bi awayekî adil li her kesî bela bikin"

Erdogan li ser dîmenên jimartina pereyan yên li Stenbolê jî sekinî û wiha axivî: "Kes nikare çavê xwe û guhê xwe bigire û li ser skandaleke wiha neaxive. Bira Ozgur Efendî dev ji şalûsiya derbeyê berde, pêşiyê derkeve wezîfeya xwe pêk bîne û dil welatiyên me yên ku xişxişe kire dilê wan, rehet bike. Mecbûr in ku bi belgeyan û zelalî eşkere bikin ku ev çente pere ji kê hat standin, li ku hat xerckirin"