ANKARA (AA) - Serokomar Recep Tayyîp Erdogan û Sekreterê Giştî yê Neteweyên Yekbûyî (NY) Antonîo Guterres bi têlefonê axivîn.

Di daxuyaniya Serokatiya Ragihandinê ya Serokomariyê da hat destnîşankirin, Serokomar Erdogan beriya civîna Konseya Ewlehiyê ya NYê ku sibê wê bi rojeva Xezeyê bê lidarxistin, bi têlefonê bi Sekreterê Giştî yê NYê Guterres ra axivî.

Hat destnîşabkirin, Serokomar Erdogan di axaftina xwe ya bi Guterres ra diyar kir ku Îsraîl hiqûqa navneteweyî binpê dike û divê hesabê sûcên hatine kirin bide.

Li gor agahiyan Serokomar Erdogan ji ber ku di êrîşên Îsraîlê yên dijî Xezeyê da ji 100î zêdetir xebatkarên NYê hatin kuştin serxweşî da Guterres û got ku serdana Guterres ya li Deriyê Sînor yê Refahê ji bo bala raya giştî ya navneteweyî bikişîne kêrhatî bû.