Serokomarê Misirê Ebdulfetah es-Sîsî daxuyand ku di navbera herdu welatan da rûpeleke nû vedibe.

Serokomar Recep Tayyîp Erdogan ji bo ziyareta fermî çû Misirê û li paytext Qahîreyê ji hêla Serokomarê Misirê Ebdulfetah es- Sîsî va bi merasima fermî hat pêşwazîkirin.

Piştî hevdîtina wan qediya Serokomar Erdogan û Serokomar Sîsî li Qesra Îttîhadiyeyê bi hev ra daxuyaniya çapemeniyê ya hevpar dan.

Serokomarê Misirê Sîsî ji ber serdana Erdogan ya piştî deh salan kêfxweşiya xwe anî ziman û wiha got: "Em di navbera her du welatan da rûpeleke nû vedikin."

Sîsî diyar kir ku ew û Erdogan li ser rewşa Xeta Xezeyê axivîn û wiha dewam kir: "Ez bi Serokomarê Tirkiyêyê ra li ser heman fikrê me ku divê li Xezeyê agirbesteke bilez çêbibe û li Şerîeya Rojava rageşî aram bibe. Misir û Tirkiye wê dest bidin hev û di mijara Xezeyê da jî encamên pir baş wê bên bidestxistin."

Sîsî anî ziman ku Erdogan wî vexwendiye Tirkiyeyê û wiha got: "Ez li bendê me ku li ser vexwendina Serokomar Erdogan di meha nîsanê da serdana Tirkiyeyê bikim."