Wezîrê Veguhastin û Gihandinê yê Herêma Kurdistana Iraqê (HKI) Ano Cewher ragihand ku balafirgehên HKIyê bi hemû hêza xwe kar dikin û di warê teknîkî û ewlehiyê de ti pirsgirêk tune ne.

Ano Cewher li ser hesabê xwe yê Twitterê derbarê girtina balafirgehên Hewlêr û Silêmaniyê de peyamek belav kir.

Cewher di parvekirina xwe de wiha got, "Li Balafirgehê Navneteweyî yên Hewlêrê û Silêmaniyê di warê teknîkî û ewlehiyê de ti pirsgirêk tune ne. Ti hêzên ewlehiyê li balafirgehan nehatine bicihkirin. Balafirgeh bi hemû hêza xwe kar dikin."

- "Desteya Asîmanî ya Sivîl a Iraqê biryara rawestandina seferan dabû"

Ji aliyekî din ve Endamê Lijneya Veguhestinê ya Parlamentoya Iraqê Karwan Yarweys ji nûçegihanê Ajansa Anadoluyê re got: "Desteya Asîmanî ya Sivîl a Iraqê biryara rawestandina seferan da."

Yarweys anî ziman ku guman hatibû kirin ku firokeyeke bê firokevan li asîmanê HKIyê difire û got, "Ji ber wê geştên asîmanî yên Balafirgehên Hewlêr û Silêmaniyê hatibûn rawestandin. Biryara rawestandinê ya ku tenê ji bo çend saetan hatibû dayin, hate rakirin."