Serokê Federasyona Rûsyayê Vladimîr Putîn anî ziman ku F-16ên Ukraynayê wê dema balafirxaneyên welatên sêyemîn bi kar bînin, li ku derê jî bin, ew ê bibin hedefa wan a rewa.

Putîn li herêma Tvêrê serdana navenda perwerdeya asîmangeriya artêşê ya Wezareta Parastinê kir.

Putîn der barê plana dayîna F-16yan a welatên rojava bo Ukraynayê û perwerdedayîna firokevanên Ukraynayî da, daxuyanî da.

Putîn got, "Ewê di qada pevçûnê da tiştek neguhere. Em îro çawa pergalên pekandinê, tankan, wesayitên zirxdar û hemî techîzatên eskerî îmhe dikin, emê balafiran (yên F-16) jî îmhe bikin.

Putîn bal kişand ser wê yekê ku balafirên şer ên F-16 xwedî şiyana hilgirtina çekên nukleerî ne û destnîşan kir ku di dema têkoşana dijî van balafiran da, ewê vê yekê li ber çavan bigirin.

Serokê Rûsyayê Putîn eşkere kir ku heke ev balafirên ku bidin Ukraynayê û balafirgehên NATOyê bi kar bînin ewê bibin hedef û got, "F-16ên Ukraynayê wê dema balafirxaneyên welatên sêyemîn bi kar bînin, li ku derê jî bin, ewê bibin hedefa me ya rewa."