Piştî Civîna Sûriye û Welatên Cîran ya li Ammana paytextê Urdinê bi beşdariya nûnerên dîplomatîk, eskerî û paye bilind yên Tirkiye, Urdin, Iraq, Libnan û Sûriyeyê hat kirin, danezana hevpar hat weşandin.

Di danezana hevpar ya piştî civînê hat weşandin da piştgirîdayîna gelê Sûriyeyê hat dûbarekirin, hewlên ji bo ewlehî, îstiqrar, serwerî û yekbûna axê hatin parastin, herwiha ji bo hewlên jinûva avakirina welat û parastina esasên maf û ewlekariyê piştgirî hat dayin.

Di danezanê da cardin hat dûbarekirin ku ewlehî û îstiqrara li Sûriyeyê ji bo ewlehiya herêmê girîng e; herwiha hemî hewlên ku ewlehî û serweriya Sûriyeyê dikin armanc hatin şermezarkirin.

Herwiha hat diyarkirin ku hemî îxlalên li Sûriyeyê îxlalkirina hiqûqa navneteweyî nîşan didin. Hat îfadekirin ku ev li dijî serwerî û yekparetiya axa Sûriyeyê ne, zêdetir dibin sedema şer û gurbûna êrîşan.

Beşdaran bangewazî kir ku Îsraîl dawî li îxlalan bîne, ji axa dagirkirî ya Sûriyeyê vekişe.