Pêşangeha Sala 10emîn a Îstanbul Photo Awardsê li Brukselê hat vekirin

 Pêşangeha sêyemîn a sala 10emîn a Îstanbul Photo Awardsê ya ku ji aliyê Ajansa Anadoluyê (AA) va wek pêşbirka wêneyên nûçeyan a navneteweyî tê lidarxistin, li Bruksela paytextê Belçîkayê hat vekirin.

Pêşangeha sêyemîn a sala 10emîn a Îstanbul Photo Awardsê li Brukselê tê lidarxistin.

Pêşangeh ji îro pê va wê ji bo ziyaretê vekirî be.

Pêşangeh ji berhemên hemû wênekêşan ên ku di pêşbirka îsal da xelat wergirtine, pêk tê.

Di pêşangehê da ji êrîşên Îsraîlê yên li ser Filistînê bigire heta erdheja li Tirkiyeyê ya bi navê "Felaketa Sedsalê", ji rêxistinên sûcê yên Meksîkayê bigire heta kampên penaberan ên li Efxanîstanê, ji bikaranîna plastîkan a li Nîjeryayê bigire heta jîngeha fîlan a ku li Srî Lankayê bûye wek qadeke çopê, ji şampiyoniya soberiyê ya cîhanê ya li Japonyayê bigire heta turnuvaya tenîsê ya Wimbledonê, ji cihêkariya li Hindistanê bigire heta koçberên ku di avên Îspanyayê da dixeniqin gelek wêneyên bi vî rengî yên ku behsa bûyerên gerdûnî dikin wê bên nîşandan.

Ji destpêka vekirinê pê va eleqeyeke mezin li pêşangehê hat nîşandan.

Pêşangeh wê di navbera 4-18 Mijdara 2024an da li SR Galleryê ya li Sablonê ji mêvanan ra vekirî be.

Agahiyên der barê wêneyên xelatgirtî da li ser malpera "istanbulphotoawards.com"ê hatine parvekirin.