Neteweyên Yekbûyî (NY) ragihand ku li Xezeya ku di bin êrîşên Îsraîlê de ye, ji 7ê cotmehê ve têkra her di 10 deqîqeyan de zarokek hat kuştin, 2 zarok jî birîndar bûn.

Ajansa Alîkarî û Xebatê ya ji bo Penaberên Filistînî li Rojhilata Nêzîk (UNRWA), li ser hesabê xwe yê Xê derbarê mijarê de daxuyanî da.

Di daxuyaniyê de bal bo rewşa Xezeyê hat kişandin û wiha hat gotin:

"Di şer de têkra her di 10 deqîqeyan de zarokek hat kuştin, 2 zarok jî birîndar bûn. Di demên pevçûnan de parastina sivîlan ne daxwaz û îdeal e; berpirsiyarî û pabendbûna mirovahiya me ya hevpar e. Sivîl li ku dibin bila bibin divê bên parastin."