Li Wanê malbatên ku zarokên wan hatine revandin û ji revandina zarokên xwe DEM Partiyê berpirsyar dibînin, vê hefteyê jî li pêşiya serokatiya bajêr a partiyê çalakiya xwe domand.

Malbatên li kuçeya Menekşeyê civiyan, alayên Tirk û wêneyên ewladên xwe bilind kirin û heta pêşiya serokatiya bajêr a DEM partiyê meşiyan.

Dê û bavan bertek nîşanî dengê bilind ê muzîka ji avahiya DEM Partiyê dan û bangî zarokên xwe kirin ku teslîm bibin.

Nazli Sancara ku ji bo keça xwe beşdarî çalakiyê bûye, ji rojnamegeran ra diyar kir ku bi salan e wê tu xeber ji keça xwe nesitandiye.

Sancarê bal kişand ku ew ê nobeta xwe bidomîne û wiha got, "6 sal e dê û bav li vir hêsîran dibarînin. Bira ewil ewladên me bidin ku em bi samîmîbûna wan bawer bin. Ez spasiya Serokomarê me û Serokê Giştî yê MHPyê Devlet Bahçeli dikim. Ew çi biryarê bidin, em ê jî li pişt wê biryarê bisekinin. Xwedê zewalê nede dewleta me."

Fevzi Yagmur jî bang li kurê xwe kir ku teslîm bibe û wiha axivî, "Kurê min xapandin û derxistin çiya. Kurê min heta venegere, ez ê dest ji nobetê nekişînim. Gavên ku Serokomarê me û Devlet Bahçeli avêtin, pir giring in. Ez spasiya mezinên me yên dewletê dikim. Bira êdî tu dê û bav negirîn. Kurê min tu jî were û teslîmî dewletê bibe."