Li Stenbolê ji ber lodosa bihêz balafirên ku dixwazin xwe li Balafirgeha Stenbolê daynin, neçar man li derdora pîstê herin û bên.

Lodos û barana ku destê sibehê bandora xwe zêde kir bandoreke neyênî li ser hatûçûna asîmangeriyê kir. Hinek balafirên ku hatin Balafirgeha Stenbolê nekarîn xwe daynin li derdora pîstî firiyan û hinekan jî maweyekê li asîman çûn û hatin.

Balafirên THYê ya bi hejmara TK626 Lagos-Stenbol, ya bi hejmara TK775ê ya Maskat-Stenbol, ya TK186ê ya Şîkago-Stenbolê, ya TK6032ê ya Stockholm-Stenbolê û ya TK185ê ya Manîla-Stenbolê ketin qeyrana sotemeniyê ji bo daketinê berê wan dan Balafirgeha Adnan Menderes a li Îzmirê.

Balafirên ku xwestin dakevin Balafirgeha Sabîha Gokçenê ya Stenbolê jî maweyekê li asîmanan çûn û hatin û her wiha ji bo saeta firînê jî hinekî dereng bi firê ketin.