Li gundewarê Sêwrega Şanliurfayê seyê şivanan êrîşî 3 zarokan kir û ew birîndar kirin.

Li Taxa Ertemê seyê şivanan a malbatekî ji ber ku zarokên li meydana gund dilîstin kevir avêtin êrîşî Leyla, Abdulrezzak û Îbrahîm Gumuştaş kir.

Zarokên birîndar bûn bi ambulansan rakirin Nexweşxaneya Dewletê ya Sêwregê.

Li ser îxbarê ekîbên Şaredariya Sêwregê, Midûriya Çandinî û Daristanê ya Navçeyê û Midûriya Tenduristiyê ya Navçeyê şandin herêmê.

Hemû heywanên li taxê hatin aşîkirin û ekîbên fîlyasyonê bi malbatan ra hevdîtin kirin. Ji bo zarokan karên aşîkirin û şopandinê dan destpêkirin.

Midûrê Tenduristiyê yê Navçeya Sêwregê Bîlal Yildiz jî çû herêmê û bi malbatên zarokan ra hevdîtin kir.

Bîlal Yildiz daxuyaniyek da nûçegihanê AAyê û got ku rewşa tenduristiya zarokên rastî êrîşa se hatin baş e.

Yildiz got ku "Niha der barê tenduristiya zarokên me da tu pirsgirêk tunin û dest bi aşîkirina zarokan kirin. Serumên dijî harbûnê tên lêdan, niha tu nîşane yan jî semptomên wan tunene. Em hê rastî rewşeke derasayî nehatin. Em ê zarokên xwe teqîb bikin."

Yildiz diyar kir gelek girîng e ku xwediyên heywanan seyên xwe dijî harbûnê aşî bikin.