Li Hekariyê ji 4 kesên ku li quntara Çiyayê Ciloyê winda bûbûn 2 kes hatin xelaskirin, ji bo dîtina 2 kesên din jî xebat dewam dikin.

Waliyê Hekariyê Îdrîs Akbiyik daxuyand ku 18 kesên siruştê hez dikin çûn quntara Çiyayê Ciloyê ku bigerin, lê ji wan 4 kes winda bûn.

Akbiyik got li ser cawdayînê cendirme, ekîbên AFAD, UMKE û Tenduristiya Rewşa Acil ya 112yê çûn herêmê û Fermandariya Hêzên Bejayê jî bi firokeyê alîkarî da wan.

Akbiyik anî ziman ku ekîb bi fedakarî xebitîn û ji 4 kesên winda 2 kes birîndar hatin xelaskirin û ew rakirin Nexweşxaneya Dewletê ya Yuksekovayê.

Akbiyik got ku rewşa birîndaran baş e, ji bo dîtina 2 kesên ku cihên wan hatine tesbîtkirin jî ekîb dixebitin.