Li Erzirom, Tuncelî, Erdexan, Qers û Agiriyê sir û serma dewam dike.

Li Erziroma ku germahiya hewaye ya bi şev di bin sifire da 15 pile hat pîvandin, li ser banê xaniyan şembelûk çêbûn.

Li ser rê û peyarêyan qeşa çêbû, wesayîtan, dar û beran qiravî girt.

- Tuncelî

Li Tunceliyê ji ber ku germahiya hewayê di bin sifirê da daket 5,4 pileyan, li ser daran qiravî çêbû û paceyên wesayîtên parkkirî jî cemed girt.

Li ser lûtkeyên hin çiyayan yên li geliyên Munzur û Pulumurê mij çêbû.

- Erdexan

Li Erdexanê germahiya hewayê ya herî kêm a bi şev di bin sifirê de 19 pile hat pîvan.

Ji ber hewaya sar rê û peyarêyên bajêr qeşa girt.

Li navçeya Goleyê termomêtroyan germahiya hewayê ya bi şev di bin sifire da 23 pile nişan da.

Li navçeyê ji ber hewaya sar paceyên mal û kargehan cemed girt.

- Qers

Li Qersê piştî berfê hewa sar bû.

Li bajarê ku germahiya hewayê ya bi şev binê sifirê da daket 16 pileyan, çem û robaran qeşa girt.

Hin welatiyan betanî û xalîçe avêtin ser wesayîtên xwe ku ji sermayê biparêzin.

Dîmenên roviyên ku li çolê xwarinê digerin hatin kişandin.

- Agirî

Li Agiriyê bandora sermayê dewam dike.

Li bajarê ku termomêtroyan germahiya hewayê ya bi şev di binê sifirê da 19 pile nîşan dan, çem û robaran qeşa girt.

Li ser depoya avê ya li goristana bajêr bi mêtroyan şembelûk çêbûn.

Li navçeya Elaşgirê jî hewa sar e û tesîrê li ser jiyanê dike.