Wezîrê Hawirdor, Bajarvanî û Guherîna Av û Hewayê Murat Kurum ragihand ku li 11 bajarên ku erdhejê bandor lê kir çêkirina 46 hezar û 300 avahiyan dest pê kiriye.

Kurum li Taxa Yenîbademliyê ya li ser navçeya Nurdagiya Gazîentabê avahiyên ji bo erdhejzedeyan tên çêkirin lêkolîn kir û li vir daxuyanî da rojnamevanan.

Wezîr Kurum daxuyand ku niha li 11 bajarên ku erdhejê bandor lê kir çêkirina 46 hezar û 300 avahiyan dest pê kiriye û wiha axivî: "Bi teşrîfa Serokomarê me sibê em ê hîmê 17 hezar û 902 avahiyan 46 roj piştî erdhejê li Kahramanmaraşa me biavêjin."

Kurum wiha dewam kir: "Înşallah sibê bi teşrîfa Serokomarê me wek ku me soz dabû gelê xwe em ê li 11 bajarên ku erdhejê bandor lê kir bi awayekî hevdem çêkirina 46 hezar û 327 avahiyan bidin destpêkirin ku me peymanên wan çêkir."

Kurum got wek ku wan soz daye ew ê di nav du yan jî sê mehan da li 11 bajaran çêkirina 319 hezar avahiyan bidin destpêkirin.