Pervîn Buldana Parlamentera Wanê ya DEM Partiyê û Parlamenterê Stenbolê Sirri Sureyya Onder û Ahmet Turkê ji DEM Partiyê li girtîgeha li Edîrneyê Selahattîn Demirtaşê Hevserokê Giştî yê HDPyê yê berê ziyaret kirin.

Ziyareta Buldan, Onder û Turk a li Saziya Ceza û Înfazê ya Girtî ya Bi Ewlehiya Zêde ya Cureyê Fyê ya Edirneyê biqasî 3 saetan dewam kir.

Di ziyaretê da Buldan, Onder û Turk bi Şaredarê Şaredariya Bajarê Mezin û Diyarbekirê yê berê Selçuk Mizrakli ra jî hevdîtin kirin.

Onder piştî ziyaretê daxuyanî da rojnamevanan û got ku piştgiriya Demirtaş û Mizrakli ya ji bo pêvajoyê tam e.

Onder diyar kir hewl didin ku der barê pêvajoyê da beşdariyeke berfireh pêk bînin û got ku "Ji ber wê tişteke ku heval di vê meneyê da pêvajoyê da aloziyê derxînin yan jî bikevin nav helwesteke ku ji pêvajoyê bikevin şikê tune. Heke em niha çareser bikin dê bi herdu aliyan ra çareser bikin. Heke ev firsend ji destê me biçe dê 72 alî bibe midaxilê vê karê."

Onder behs kir ku bi her nêrînên siyasî ra cara ewil li ser jêpareke wiha berfireh tên bal hev û piştî ku sibê Fîgen Yuksekdaga Hevseroka Giştî ya HDPyê ya berê ziyaret kirin dê li Enqereyê daxuyanî bidin.

Onder da zanîn ku dê di vê pêvajoyê da tu kes xeyb neke dê her kes qezenc bike û wiha axivî:

"Ji ber wê aştî di vê wateyê da tişteke biqîmet e. Li raya giştî gelek caran têgehên aştî û çareserî tê tevlîhevkirin. Ev rast nîne. Aştî tişteke wisa ye ku bi hembêzkirinekî jî dibe. Çareserî têkoşîneke demokratîk û kareke mawedirêj e. Der barê qadên pirsgirêkê da dirêjahî û kûrahiya wê diguhere. Ya ku em niha hewl didin ku pêk bînin aştî ye û ji bo vê li benda piştgiriya her kesê ne."

Onder li ser pirsa rojnamevanekî ya der barê hevdîtina duyemîn a li Îmraliyê da got ku "Hê diyar nîne lê wisa difikirim ku dê zehf navber nekevê."

Pervîn Buldanê jî diyar kir ku nirxandinên Demirtaş û Mizrakli yên ji bo pêvajoyê gelek zelal û eşkere ne û got ku "Gotin ku dê di her şert û mercê da piştevanê vê pêvajoyê bin, ev ji bo me gelekî biqîmet e. Ji bo pêvajoya ku em dimeşînin va gelekî biqîmet e. Em li ser navê heyeta xwe hem spasiya Birêz Demirtaş hem jî spasiya Birêz Mizrakli dikin. Ez dixwazim ku bi taybetî diyar bikim ku tu gumana me tune ku bi piştgiriya me hemûyan dê biguhere pêvajoya aştiyê. Bila rêya me hemûyan vekirî be."

Ahmet Turk jî destnîşan kir ku dê xebatên wan ji niha pê va jî dewam bikin û got ku "Li Tirkiyeyê hewcehiya Tirkan bi Kurdan hewcehiya Kurdan jî bi Tirkan heye. Em dixwazin ku li vir aştiyekî pêk bînin û Tirkiye bê asteke xurttir, asteke ku demokrasiyê îxracî Rojhilata Navîn bike. Armanca me biratî û dostaniya gelên me ye, armanca me ew e ku gelên me di dahatûyeke demokratîk û azad da bi hev ra bin."