Di çarçoveya peymana ku navbera hikûmeta Sûriyeyê û YPGya rêxistina terorê da hat îmzekirin, yekîneya ewlehiya navxweyî ya girêdayî Wezareta Karên Navxweyî ya Sûriyeyê ya ku ket bajarê Hesekeyê, ji hêla gel va bi coş hat pêşwazîkirin.

Di nûçeya televîzyona dewletê ya Sûriyeyê El-Îxbariyeyê da hat gotin ku gelê Hesekeyê bi coş yekîneya ewlehiya navxweyî ya Wezareta Karên Navxweyî pêşwazî kir.

Li ser medyaya civakî wêneyên ku gelê Hesekeyê bi alayên Sûriyeyê va bi coş pêşwaziya wan dikin, hatin parvekirin.

YPGê her çiqas di navbera saet 6ê sibê û 21ê êvarê da li Hesekeyê qedexeya derketina derva îlan kiribe jî, mirov ji bo pîrozbahiyê û pêşwaziya hêzên Wezareta Karên Navxweyî derketin kolanan.

Konvoyeke ku ji 8 wesayîtên bizirx ên Wezareta Karên Navxweyî ya Sûriyeyê, gelek pîqab, ambulans û wesayîta îstasyona bazê pêk tê, ji xeta rojhilat, ber bi navenda bajêr ya di bin dagiriya rêxistina terorê YPGyê da bû çûbûn.

Di çarçoveya peymana ku navbera hikûmeta Sûriyeyê û YPGya rêxistina terorê da hat îmzekirin, tê payîn ku saziyên ewlehî û dewletê yên li bajarê Hesekeyê û navçeya Qamîşloyê yên di bin dagirkeriya rêxistinê da ne teslîmî rêveberiya Sûriyeyê bên kirin.