Fahrettîn Altun: "Tirkiye erkeya xwe avakarê lîstikê bi serkeftî tîne cih"

Serokê Ragihandina Serokomariyê Fahrettîn Altun destnîşan kir ku Tirkiye bi gavên ku van salên dawîn avêtin ve di hevsengiyên navneteweyê de bû xwedî prestîj û di serî de Rojhilata Navîn û Qefqasan di warê mijarên herêmî de erkeya xwe avakarê lîstikê bi serkeftî tîne cih.

Gotara ku Fahrettîn Altun nivîsand di malpera www.atalayar.com ê de, bi serenava "Tirkiyeya Erdogan, di cihên ku NY bi ser nakeve de çareseriyan pêşkêş dike" hat weşandin.

Altun di gotara xwe de bal kişand ser wê yekê ku Tirkiye di salên dawî de weke hêzeke mezin derketiye holê û ev nirxandin kir:

"Tirkiyeyeke bihêz a xwedî binesaziyeke pêşketî, wê li herêma xwe, bêtir xwediyê mafê axaftinê be. Tirkiye bi gavên ku van salên dawîn avêtin ve di hevsengiyên navneteweyê de bû xwedî prestîj û di serî de Rojhilata Navîn û Qefqasan di warê mijarên herêmî de erkeya xwe avakarê lîstikê bi serkeftî tîne cih.

Helwesta siyasî ya çareseriyê ya ku di van demên dawî de di warê nakokiya Îsraîl-Fîlîstînê de bi pêşngiya Serokomar Recep Tayyîp Erdogan de hat holê û heriwha balê dikişîne ser rehenda mîrovî ya mijarê, nîşaneya vê yekê ye.

Çawa ku mijara Ukrayna, Qerebax û mijarên din ên herêmî bi eşkere nîşan didin, Tirkiye di dema ku Komar derbasî sedsala xwe ya duyemîn dibede di herêma xwe de bûye avakarê lîstikê û welatekî pêşeng.

Rêxistinên navneteweyî yên wekî Konseya Ewlekariyê ya Neteweyên Yekbûyî di warê çareserkirina pirsgirêkên cîhanê de kêm mane û di ser de eve pirsgirêk kûrtir kirine.

Eşkere ye ku divê rêxistinên navneteweyî di ronahiya sedsala nû û serdema nû de, hevsengiyên nû li ber çavan bigirin.

Tirkiye bi awayekî guncav bi druşma "Cîhan ji 5an Mezintir e" ya Cenabê Serokomarê me, xwe amade dike.

Tirkiye ji bo çareserkirina pirsgirêkên cîhanî û herêmî li tenişt qenalên mirovî û dîplomatîk, bi awayekî çalak amûrên nûjen ên danûstendina navdewletî yên weke dîplomasiya raya giştî jî, bikar tîne."