Wezîrê Karên Navxweyî Alî Yerlîkaya ragihand ku di êrîşa terorê ya dijî kampusa Kahramankazanê ya Şirketa Anonîm a Hewageriya Tirk û Sanayiya Fezayê ya Tirkiyeyê (TUSAŞ) da 5 kes şehîd ketin, 22 kes jî birîndar bûn.

Yerlîkaya bi Waliyê Enqereyê Vasîp Şahîn û Serokê Pîşesaziya Parastinê yê Serokomariyê Haluk Gorgun ra li Nexweşxaneya Bajêr a Bîlkentê welatiyên ku di êrîşa terorê da birîndar bûn ziyaret kirin.

Yerlîkaya piştî ziyaretê daxuyanî dan û diyar kir ku 7 kesên di êrîşê da birîndar bûn li vê nexweşxaneyê ne û got ku ji birîndaran bi 4 kesan ra hevdîtin kirin û rewşa wan baş e.

Yerlîkaya ji ber xebata wan a heasa spasiya doxtorên li Nexweşxaneya Bajêr a Bîlkentê kir û got ku "Mixabin jimara şehîdên me bû 5. Jimara birîndaran bi tevahî 22 ye. 7 birîndarên me li vir in, nexweşekî me ji nexweşxaneyê hat derxistin, 2 jê jî dê ji nexweşxaneyê bên derxistin, 19 birîndarên me li nexweşxaneyan tên dermankirin."

Yerlîkaya agahî da ku ji birîndaran rewşa 2 kesan xedar e yek jê li Nexweşxaneya Bajêr a Bîlkentê, yê din li Nexweşxaneya Etlîkê tên dermankirin û got ku dê biçin Etlîkê jî ê ziyaretan bikin.

Yerlîkaya bi bîr xist ku di daxuyaniyên xwe yên li ber derê TUSAŞê da agahî dan ku yek jê jin 2 terorîst kuştî hatin bidestxistin û got ku "Xebatên nasnameyê, pêvajoya tesbîtkirina der barê şopa tiliyê dewam dike. Ev dema diyar bin em ê nasnameyên wan û ka kîjan rêxistina terorê kiriye van agahiyan bi we ra parve bikin."