Stenbol navend, li 7 bajaran dijî rêxistina sûc a organîze operasyon hat kirin û ji 43 gumanbarên ku di operasyonê da hatin binçavkirin, 22 gumanbar hatin tewqûfkirin.

Di çarçoveya lêpirsîna ku Serdozgeriya Komarê ya Stenbolê dimeşîne da 43 bersûc hatin girtin. Di nav wan da rêvebir û endamên rêxistina sûc a ku di raya giştî da wekî "Şahînler" tê zanîn jî hene.

Gumanbaran îfade da dozgerê komarê yê ku lêpirsînê dimeşîne û ji gumanbaran 3 kes hatin berdan, 40 kes ji ber sûcên wekî "avakirin, rêvebirin û endambûna rêxistina sûc a çekdar", "talan", "pêşîlêgirtina azadiya kesan" sewqî dadgeriya nobedar kirin.

Bersûc sewqî Dadgeriya Cezayê Sulhê ya Nobedar a Stenbolê û 22 bersûc hatin tewqûfkirin, 18 kes bi şertê kontrola edlî hatin berdan. Di nava bersûcên ku hatin tewqûfkirin da serkirdeyê rêxistinê Mehmet Şahîn jî heye.