Di êrîşa ku artêşa Îsraîlê bir ser Xeta Xezeyê da ji malbata Waîl el-Dahduhê nûçegihanê têlevîzyona Al-Jazeerayê gelek kes hatin kuştin.

Di daxuyaniya kanala Al-Jazeerayê ku navenda wê li Qeterê ye da wiha hat gotin, "Îsraîlê li Kampa Penaberan a Nuseyratê ya li Xeta Xezeyê xaniyek kir hedef û jina hevkarê me Waîl el-Dahduh, kurê wî, keça wî û ji malbatê gelek kes şehîd bûn."

Hat gotin, ji ber ku malbata rojnameger Dahduh bi êrîşên Îsraîlê ji cî û warên xwe bûbûn, xwe spartibûn mala li Nuseyratê.

Di dîmenên ku Al-Jazeerayê weşandin da Dahduh digirî û ji kurê xwe xatir dixwaze û wiha dibêje, "Ev hêsirên tirs û kavilbûnê nînin, hêsirên mirovahiyê ne. Bira dagirkerî dehf bibe. (Artêşa Îsraîlê) Ji zarokên me heyfa xwe vedike."

Dahduh keça xwe ya kuştî jî da ber singê xwe û ser da giriya.