Di êrîşên Îsraîlê yên dijî Xeta Xezeyê yên heta ber destê sibehê da 17 Filistînî hatin kuştin û gelek kes jî birîndar bûn.

Li gorî nûçeya ajansa fermî ya Filistînê WAFAyê, artêşa Îsraîlê li bakurê Xeta Xezeyê li bajarên Cibaliye û Beyt Lahiyayê sê mal bordûman kirin.

Di herdu êrîşan da 14 kes hatin kuştin, gelek kes jî birîndar bûn.

Di êrîşa Îsraîlê ya dijî herêma Nezleyê ya Kampa Penaberan a Cibaliyeyê da jî 2 kes hatin kuştin û gelek kes jî birîndar bûn.

Dîsa di êrîşa artêşa Îsraîlê da ya dijî başûrê bajarê Refahê ya bi dronê va Filistîniyek hat kuştin, 2 kes jî birîndar bûn.

- Bi dehan malên Filistîniyan hatin wêrankirin

Ji aliyekî din va li gorî agahiya ji şahidan hat wergirtin, artêşa Îsraîlê bi topxane, dron û tifingên bimakîne va li bakurê Xeta Xezeyê êrîşên xwe heta ber destê sibehê domandin.

Artêşa Îsraîlê li bakurê Xezeyê di hundirê bi dehan malan da teqemenî bi cih kirin û teqandin û her wiha mal kavil kirin. Ji cihên navborî heta ber destê sibehê dûman quloz bûn.