Balafira Serokomariyê ya ku ji Tirkiyeyê derman û melzemeyên bijîşkî bar kiribû û tê de 20 bijîşkên pispor jî hebû gihişt Qahîreya paytexta Misrê.

Li gorî daxuyaniya Wezareta Tendirustiyê Balafira Serokomariyê ya ku ji Enqereyê derman û melzemeyên bijîşkî bar kiribû û tê de 20 bijîşkên pispor jî hebû destê nîvro xwe li Qahîreya paytexta Misrê danî.

20 bijîşkên pispor tevî rayedarên Wezareta Tendirustiyê li Wezareta Tendirustiyê ya Misrê digel alîkarê wezîr û rayedarên din civiyan û alîkarên tendirustiyê yên ji bo Xezeyê nirxandin.

Serê sibehê balafira navborî ji Balafirgeha Esenbogayê ya li Enqereyê derman û melzemeyên bijîşkî hat barkirin, piştî kutakirina xebatan balafir bi rê ketibû.

Ekîb wê li Balafirgeha El-Arîşê û li ber deriyê Sînor ê Refehê ji bo avakirina nexweşxaneyên sehrayê wê xebatên fîzîbîleteyê bikin.

Wezîrê Tenduristiyê Fahrettîn Koca jî li ser hesabê xwe yê medyaya civakî daxuyanî dabû û wiha gotibû, "Ji bo alîkariya Xezeyê balafira me rabû. Balafira Serokomariya me bi derman û melzemeyên bijîşkî barkirî ye û tê da 20 hekîmên pispor hene. Balafir ji Enqereyê bi rê ket ku here Misrê."