Serokomar Recep Tayyîp Erdogan der barê rawestandina bazirganiya bi Îsraîlê ra da got ku "Di vê da armancek me tenê heye. Ew jî ew e ku ji bo agirbestê zorê bidin birêvebiriya Netanyahuyê ku bi piştgiriya eskerî û dîplomatîk a Rojava ji kontrolê derketiye."

Serokomar Erdogan li Ofîsa Xebatê ya Dolmabahçeyê Lijneya Birêvebiriya Komeleya Karsaz û Pîşesazên Mustakîl (MUSÎAD) qebûl kir û di qebûlê da axivî.

Serokomar Erdogan di axaftina xwe da li ser mijara rawestandina bazirganiya bi Îsraîlê ra sekinî û got ku "Di vê da armancek me tenê heye. Ew jî ew e ku ji bo agirbestê zorê bidin birêvebiriya Netanyahuyê ku bi piştgiriya eskerî û dîplomatîk a Rojava ji kontrolê derketiye. Em ê encamên ku dê ji ber vê pêngava me avêt derkevin holê bi alema xwe ya kar ra di nav kordînasyon û îstişareyê da bi rê va bibin."

Serokomar Erdogan bal kişand ku ev hemleya Tirkiyeyê dê ji bo welatên din ên ku ji rewşa berdest aciz in ra jî bibe mînak û got ku "Em li pey dijminahî û şerê bi tu welatên li herêma xwe ra nînin. Em naxwazin ku li erdnîgariya xwe pevçûn, xwîn û rondikan bibînin."

Serokomar Erdogan der barê enflasyonê da"Em ji bo kêmkirina enflasyonê pêngavên biryardar diavêjin. Enflasyon û daneyên bazirganiya derva bi bendewariyên me yên ji Bernameya Mawe Navîn ra li hev dikin"