Artêşa Îsraîlê tevî agirbestê li dijî Xeta Xezeyê êrîşên xwe yên asîmanî û topbaran domand.

Li gorî şahidên bûyerê, êrîş li bajarê Xezeya li bakur, li rojhilatê Kampa Penaberan a Bureycê ya li naverastê û li rojhilatê bajarê Xan Yûnisê ku dikeve başûr, berdewam bûn.

Balafirên şer ên Îsraîlê êrîşek li ser taxa Tuffahê ya li rojhilatê bajarê Xezeyê pêk anîn, di heman demê da dengê çekan û tevgera droneyan li herêmê hat bihîstin.

Li herêma navendî, balafirên şer du êrîşên asmanî li ser erdên çandiniyê yên li rojhilatê Kampa Penaberan a Bureycê pêk anîn.

Deverên rojhilatê Xan Yûnisê jî rastî êrîşên balafirên şer ên Îsraîlê hatin. Êrîşên asîmanî û topbaran berdewam bû, dengê teqînên li pey hev û dengê guleyên demkî ji wesayîtên eskerî yên Îsraîlê hat.