Artêşa Îsraîlê li herêma Cibaliye el-Beledê ku dikeve bakurê Xeta Xezeyê, êrîşa esmanî bir ser xaniyekî û di êrîşê da 19 kes hatin kuştin, gelek kes birîndar bûn.

Çavkaniyên tenduristiyê ji nûçegihanê AAyê ra axivîn û diyar kirin, li herêma Cibaliye el-Beledê xaniyê ku bû hedefa êrîşê, yê malbata Ebdurabbuh e û di kavilê xanî da cinazeyê 19 kesan hatin derxistin.

Şahidan daxuyand ku avahî çendîn qatî bû û bi dehan Filistîniyên ku ji cî û warên xwe bûne lê sitar dibûn, lê di êrîşê da bi temamî hilweşiya.

Artêşa Îsraîlê şeveqa sibehê jî li Taxa ed-Durcê ya Xezeyê êrîşî Dibistana Fehmî el-Cercawî kiribû û piraniya wan zarok di êrîşê da herî kêm 25 Filistînî hatibûn kuştin.

Artêşa Îsraîlê daxuyaniya nivîskî dabû û lêxistina Dibistana Fehmî el-Cercawî îtiraf kiribû û îdia kiribû ku Hemasê dibistan bi kar dianî.