Îsraîlê ji Fîloya Sumûdê ya Kurewî 171 aktîvîstên din jî dersînor kirin ku ji bo birina alîkariya însanî û qulkirina dorpêça Îsraîlê, berê xwe dan Xeta Xezeyê lê rastî êrîşa Îsraîlê hatin û her wiha hatin derdestkirin.

Di daxuyaniya nivîskî ya li ser hesabê Wezareta Karên Derva ya Îsraîlê ya platforma medyaya civakî ya şîrketa Xê ya navend Amerîka da hat destnîşankirin ku 171 aktîvîstên ji Fîloya Sumûdê ya Kurewî derdestkirî bo Yûnanistan û Slovakyayê hatin şandin.

Hat diyarkirin di nav dersînorkiriyan da aktîvîsta hawirdorê Greta Thunbera Swêdî jî heye.

Her wiha tevî daxuyaniyê, wêneyên dersînorkirina hin aktîvîstan jî hatin parvekirin.

Di wêneyan da diyar bû ku kincên bi heman rengî li Thunbergê û aktîvîstên din ên di wêneyan da dixuyên, kirine.