Îranê ragihand ku di bûyerên ku dema xwepêşandanên li welêt ji ber pirsgirêkên aborî derketin da hêzên ewlehiyê û sivîl jî di nav da 3 hezar û 117 kes mirin.

Di daxuyaniya nivîskî ya Weqfa Şehîd û Xaziyan a Îranê ya ku sipart daneyên Saziya Tibê Edlî da hat diyarkirin ku di bûyerên şidetê yên ku dema protestoyên li gelek cihên welêt derketin da 3 hezar û 117 kes mirin.

Hat diyarkirin ku ji kesên mirin 2 hezar û 427 jê hêzên ewlehiyê û welatiyên sivîl in ku bi destê "komên terorê yên çekdar" va hatine kuştin û hat gotin ku ev wek "şehîd" tên hesibandin.

Hat ragihandin ku piraniya kesên di bûyeran da hatin kuştin "welatiyên ku di encama êrîşên çekdarî û çalakiyên terorê da ji rê ra derbas dibûn û hin jê jî xwepêşandêr in ku bi destê hêmanên terorîst di dema xwepêşandanan da hatin kuştin."