Li Îngiltereyê di belgeya stratejiya ewlehiya neteweyî ya ku hikûmetê weşand da hat ragihandin ku Tirkiye bi entegrasyona xwe ya eskerî ya xurt û hevkariya pîşesaziya parastinê va hevkarekî kilîd e.

Li Îngiltereyê hikûmetê bi sernava "Stratejiya Ewlehiya Neteweyî 2025: Di Dinyayeke Xeternak da Ji bo Gelê Îngilîz Ewlehî" stratejiya ewlehî, parastin û polîtîkaya derva ya nû weşand.

Di belgeyê da girîngiya Tirkiyeyê ya bo Îngiltereyê hat destnîşankirin û hat gotin ku "Tirkiyeya ku di navbera Behra Reş, Qafqasya, Rojhilata Navîn û Afrîkayê da cî digire ji bo berjewendiyên Îngiltereyê yên li Ewropayê û di şaxên NATOyê da elzem e û Tirkiye bi entegrasyona xwe ya eskerî ya xurt û hevkariya pîşesaziya parastinê va ji bo Îngiltereyê hem hevkarekî kilîd ê NATOyê hem jî hevkarekî di asta dualî da ye."