Serokê Dewleta Ukraynayê Volodimir Zelenskiy ragihand ku wî heyeta Ukraynayê ji bo beşdariya hevdîtinên aştiyê peywirdar kir ku dê ji bo bidawîkirina Şerê Rûsya-Ukraynayê li Stenbolê bên kirin.

Zelenskiy di daxuyaniya xwe ya nivîskî ya li ser hesabê xwe yê Telegramê da diyar kir ku wî bi wezîrên parastin û karên derva yên Ukraynayê û her wiha peywirdarên dezgehên ewlekariyê ra civîn li dar xist.

Zelenskiy bal kişand ku ew hewl didin ku serxwebûna welatê xwe biparêzin û wiha dewam kir, "Berî civîna roja duşemê ya li Stenbolê, min pozîsyon jî diyar kirin."

Zelenskiy der barê rojeva mizakereyên aştiyê yên li Stenbolê da wiha got:

"Ya yekem agirbesta tam û bêşert. Duyem, berdana girtiyan. Sêyem, vegerandina zarokên revandî. Divê em di asta herî bilind da civînekê amade bikin da ku em aştiyeke pêbawer û mayînde pêk bînin û ewlehiyê garantî bikin. Bi tenê lîder dikarin pirsgirêkên bingehîn çareser bikin. Roja duşemê (Wezîrê Parastinê) Ristem Umerov dê serokatiya heyeta me bike."