Zelenskiy: "16 hezar şervanên dildar ên biyanî tên alîkariya Ukraynayê"

 Serokê Ukraynayê Vladîmîr Zelenskiy diyar kir ku 16 hezar şervanên dildar ên biyanî ew ê ji bo alîkariya Ukraynayê werin, qefleya ewil hindik ma bigihîje welêt.

Zelenskiy di axaftina banga gel da diyar kir ku ji hevkarên xwe û dostên xwe yên rastî her roj sîlahan distînin.

Zelenskiy diyar kir ku her ku diçe sîlahên hêzdar ji wan ra tên û wiha pê da çû: "16 hezar şervanên dildar ên biyanî ew ê ji bo alîkariya Ukraynayê werin. Qefleya ewil hindik ma bigihîje welêt. Ew ji bo azadî û parastina jiyana me tên vê derê."

Zelenskiy di 27ê sibatê da bangî hemxw welatiyên dinyayê û dostên Ukraynayê kiribû ku li dijî êrîşên Rûsyayê Ukrayna û Ewropyê biparêzin.

Li welêt ji sala 2016an pê va îmkan heye ku biyanî dikarin wekî dildar di artêşê da şer bikin, yekîneya ji biyaniyan pêk tê a "Lejyona Navneteweyî ya Parastina Herêmî ya Ukraynayê" hatibû avakirin.