TOLGA AKBABA - Wezîrê Karên Derva yê Îranê Ebas Eraqçî, destnîşan kir ku bi îhtimaleke mezin dê zêdebûna bihayê neftê bidome û anî ziman ku take berpisê vê rewşê DYA û Îsraîl e.

Eraqçiyê ku li Tehranê beşdarî Meşa Roja Qudsê bû li vê derê daxuyanî da nûçegihanê AAyê.

Eraqçî tekezî kir ku niha bihayê neftê gelekî zêde bûye û got, "Ji ber polîtîkayên DYA û Îsraîlê yên li herêmê, îhtîmal e ku di siberojê da bihabûn berdewam be."

Eraqçî bal kişand ser DYA û Îsraîlê û ew weke "yên ku herêmê ber bi karesatê va dikişînin" pênase kir û got "divê ew welat hesabê vê yekê bidin."

Eraqçî got, "Tevî êrîşên Îsraîl û DYAyê jî, "gelê me bi milyonan kes li kolanan e û wiha pê da çû:

"Ne tenê li Tehranê, lê li hemû bajaran, Komara Îslamî pabendbûna xwe ya bêdawî ji bo piştgiriya Qudsê, Filistîn û hemû îdealên ku em bi salan e diparêzin nîşan da. Bi îzna Xwedê, emê bi vê hêz û biryardariyê va berdewam bin û dijminên me dê neçar bimînin ku hêza gelê Îranê qebûl bikin."