Wezîrê Karên Derva yê Îranê Ebas Eraqçî bertek nîşanî îdiayên çapemeniya rojava yên ku rêveberiya Tehranê van rojên dawîn bi Amerîkayê ra rasterast di peywendiyê da ye, da.

Eraqçî li ser platforma medyaya civakî ya şîrketa Xê ya navend Amerîka, der heqê mijarê da daxuyanî da.

Eraqçî diyar kir ku peywendiya dawîn a bi Steve Witfkoffê Nûnerê Taybet ê ji bo Rojhilata Navîn ê Serokê Amerîkayê Donald Trump berî êrîşên Amerîka-Îsraîlê pêk hat û wiha got, "Her îdiayeke bereksê vê, bi tenê ji bo xapandina bazirganên petrolê û rayagiştî ye."

Malpera înternetê Axios a navend Amerîka di nûçeya xwe da ya spart çavkaniyên neeşkerekirî, îdia kiribû ku Wezîrê Karên Derva yê Îranê Eraqçî bi Witkoffê Nûnerê Trump ra rasterast di peywendiyê da ye.