Serokê DYAyê Donald Trump diyar kir ku ew êdî naxwazin li ser mijara Rûsya-Ukraynayê demê winda bikin û derbarê danûstandinên ku dê dawiya vê hefteyê werin lidarxistin da jî got, "Em ê biryarê bidin ka em beşdarî civîna roja Şemiyê bibin an na. Me got ku eger ew difikirin ku şansekî baş e, em ê beşdar bibin."

Serokê DYAyê Trump piştî merasimeke îmzeyê ya derbarê hişê çêkirî, pirsên rojnamevanan ên derbarê rojeva Rûsya-Ukraynayê da bersivand.

Trump di bersiva pirsa "Gelo DYAyê dê beşdarî danûstandinên vê dawiya hefteyê bibe ku dê mizakerevanên Ewropî û Ukraynayî li hev bicivin, bibe yan na da" diyar kir ku ew hê jî li ser vê mijarê difikirin.

Serokê DYAyê got, "Em ê biryarê bidin ka em ê beşdarî civîna roja Şemiyê bibin an na. Me gotiye ku eger ew bifikirin ku şansekî baş heye ku lihevkirinek çêbibe, em ê beşdarî civînê bibin."

Trump diyar kir ku her du welat hê jî hejmareke mezin ji eskerên xwe winda dikin û got, "Em naxwazin hê bêtir demê winda bikin. Em wisa difikirin ku ev derengîketin neyînî ye. Em dixwazin ku ev pirsgirêk êdî were çareserkirin."