Serokê Amerîkayê Donald Trump derbarê xwepêşandanên li Îranê ku ji ber kêmbûna nirxê diravê neteweyî li hember diravên biyanî û pirsgirêkên aborî dest pê kirin, diyar kir ku "Heke Îran, wekî her carê xwepêşandêrên aştîxwaz gulebaran bike û bikuje, Amerîka dê pişta wan bike."

Trump di parvekirineke xwe ya li ser medyaya civakî da diyar kir ku heke rêveberiya Tehranê li dijî xwepêşandêran hêzê bi kar bîne, Amerîka dê mudaxele bike.

Trump bal kişand ku Amerîka ji bo her mudaxeleyê amade ye û got, "Heke Îran, wekî her carê xwepêşanderên aştîxwaz gulebaran bike û bikuje, Amerîka dê pişta wan bike."

- Xwepêşandanên li Îranê

Xwepêşandanên li Îranê di 28ê Kanûna Pêşîn a 2025an da li Bazara Mezin a Tehranê ji ber kêmbûna nirxê diravê neteweyî li hember diravên biyanî û pirsgirêkên aborî dest pê kirin, li gelek bajarên welêt belav bûne.

Serokomar Mesûd Pezeşkiyan nerazîbûna gel qebûl kir, diyar kir ku hikûmet berpirsiyarê pirsgirêkên aborî yên heyî ye û ji rayedaran xwest ku "aktorên dervayî yên wekî Amerîkayê sûcdar nekin."

Di 31ê Kanûna Pêşîn a 2025an da li navçeya Kuhdeştê ya parêzgeha Loristanê, endamekî Besîcê yê 21 salî hat kuştin û 13 polês jî birîndar bûn.

Di 1ê Kanûna Paşîn da hat ragihandin ku du kes di xwepêşandanên li navçeya Lordigana Çeharmehal û parêzgeha Bextiyariyê da hatine kuştin.