Serokê DYAyê Donald Trump got ku wî li Qesra Spî bi Zohron Memdanî yê ku Şaredartiya New Yorkê qezenc kiriye ra "hevdîtineke berhemdar" kiriye.

Trump û Mamdanî piştî hevdîtina li Qesra Spî ya ji çapemeniyê ra girtî, li Ofîsa Oval bersiv dan pirsên rojnamevanan.

Trump anî ziman ku bi Memdanî ra "hevdîtineke berhemdar" kirine û got, "Xala me ya hevbeş ew bû ku em dixwazin ji bo vî bajarî karên baş bike. Min xwest ez pîrozbahiyê li Şaredar bikim. Ji pêşhilbijartinan dest pê kir û wî li hember mirovên pir bi hêz û pir jîr pêşbaziyeke bêhempa meşand."

Trump diyar kir ku di hevdîtinê da, wî û Memdanî li ser xalên hevpar ên pir xurt, wek xanî, avakirina xaniyan, xwarin, biha û daketina bihayên petrolê axivîne.

Trumpê ku ji New Yorkiyan ra got, "Wê şaredarekî we yê pir baş hebe" û got, "Çiqas serkeftî be ezê ewqasî kêfxweş bim. Em ê alîkariyê bikin ku herkes xewnên xwe pêk bîne û New Yorkeke xurt û pir ewle hebe."