Serokê Amerîkayê Donald Trump ragihand ku Îsraîlê qebûl kir ku li Xezeyê ji xeta ewil a diyarkirî vekişe û heger Hemas peymanê pesend bike jî agirbestek dê demildest bikeve warê cîbicîkirinê.

Trump di parvekirina xwe da ya li ser Truth Sociala platforma medyaya civakî ya navend Amerîka wiha got, "Piştî mizakereyan Îsraîlê xeta ewil a vekişînê qebûl kir ku me nîşanî Hemasê da û me parve kir."

Serokê Amerîkayê destnîşan kir ku heger Hemas jî pesend bike, "agirbest dê demildest bikeve warê cîbicîkirinê" û di pey ra jî miemeleyên pevguhertina dîlan dê dest pê bikin.

Trump der heqê rewşa li Xezeyê da nirxandina "bobelata 3 hezar salî" kir û ji bo geşedanên navborî nirxandina "dawiya vê bobelatê nêzîk e" kir.

Hemasê eşkere kiribû ku pevguhertina dîlan a di plana Xezeyê ya Serokê Amerîkayê Trump da qebûl kir lêbelê hinek madeyên din divê bên mizakerekirin.