Dinya

Tirkiyeyê êrîşa terorê ya li Efxanistanê şermezar kir

Behlül Çetinkaya   | 15.10.2021
Tirkiyeyê êrîşa terorê ya li Efxanistanê şermezar kir

Ankara

 Wezareta Karên Derva êrîşa bombeyî ya ku li Qendehara wîlayeta Efxanistanê di mizgeftekê da hat kirin şermezar kir û peyama sersaxiyê weşand.

Di daxuyaniya wezaretê weşand da wiha hat gotin: "Em pê hesiyan ku îro li Qendehara wîlayeta Efxanistanê di dema nimêja înê da di mizgeftekê da êrîşa bombeyî hatiye kirin, kuştî û birîndar hene."

Daxuyanî wiha dewam kir: "Em wan êrîşên terorî yên dijî mirovahiyê ku di demên dawîn da li Efxanistanê hemberî mizgeftan tên kirin, şermezar dikin. Xwedê rehma xwe li kuştiyan bike û em sersaxiyê didin gelê Efxan ê xwîşk û birayên me ne."

- Êrîş ji alî 2 êrîşkarên xwekujiyê va hat kirin

Li Qendehara wîlayeta Efxanistanê ya wekî kelha Talibanê tê zanîn 2 êrîşkarên xwekujiyê bi bombeyê êrîşî Mizgefta Fatimiyeyê ya Şiiyan kirin, di êrîşê da herî kêm 30 kes hatin kuştin û ji 200î zêdetir kes jî birîndar bûn.

Hefteya çûyî jî li Kunduza wîlayeta Efxanistanê dîsa bi bombeyê êrîşî mizgefteke Şiiyan kiribûn û di bûyerê da 46 kes hatibûn kuştin.

Berpirsyariya êrîşa li Kunduzê jî DEAŞa rêxistina terorê hildabû ser xwe.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın