Tirkiyeyê piştî êrîşa alîgirên rêxistina terorê PKKyê ya dijî Konsolosxaneya Hannoverê, di nezdê meqamên Alman da ket liv û tevgerê.

Li gorî agahiya ji çavkaniyên dîplomatîk hat wergirtin, Balyozê Tirkiyeyê yê li Berlînê Ahmet Başar Şen digel mixatabên xwe yên li Wezareta Karên Derva ya Almanyayê hevdîtin kir û daxwazên Tirkiyeyê anîn ziman.

Balyoz Şen bal kişand ku divê bi biryardarî xebat bên kirin ku fealiyetên rêxistina terorê yên wekî propaganda, dabînkirina elemanan û çavkaniyên darayî bên bidawîkirin.

Balyoz Şen her wisa fikara ji ber çalakiyên tundî û tîjiyê yên alîgirên rêxistina terorê yên van dawiyan anî ziman û xwest ku ji bo nûnertiyên dîplomatîk ên Tirkiyeyê tedbîrên ewlekariyê bên zêdekirin ku dibe bibin hedefa rêxistina terorê.