Tevî bangawaziya Serokê DYAyê Donald Trump ku gotibû "demildest êrîşên dijî Xezeyê rawestînîn" Îsraîl bombebarana Xezeyê seranserê şevê domand.

Li gorî çavkaniyê tendirustiya Filistînê û şahidên bûyerê, artêşa Îsraîlê ji şevê din va êrîşên xwe yên dijî Xeta Xezeyê ji asîmanan va û bi topbaranê didomîne.

Balafirên cengê yên Îsraîlê li bajarê Xezeyê 2 xanî û herwiha Kampa Penaberan a Nûseyretê ya li naverasta Xeta Xezeyê kir armanc. Di heman demê da li bajarên Xeze û Xan Yûnisê êrîşên asîmanî û topbaran berdewam bû.

Şahidên bûyerê destnîşan kirin ku seranserê şevê Îsraîlê bi robotên teqerêjkirî yên bi qumanda gelek avahî teqandin.

Di êrîşên artêşa Îsraîlê da 2 jê zarok herî kêm 21 Filistînî hatin kuştin gelek kes jî birîndar bûn.

- Peyama Trump a demildest êrîşan rawestînin

Serokê DYAyê Donald Trump derbarê plana agirbestê li Xezeyê li ser hesabê xwe yê medyaya civakî vîdyopeyamek weşandibû.

Trumpdi vîdyopeyama xwe da spasiya Tirkiye û Qeterê û herwiha welatên din ên ku piştevanê pêvajoya agirbesta li Xezeyê ne, kiribû.

Trump diyar kiribû ku ew li bendê ye ku dîl di zûtirîn dem de werin berdan û vegerin malên xwe û peyama Hemasê jî nirxandibû.