Hat ragihandin ku ji bo cîbicîkirina rêkeftina 29ê Rêbendanê ya hikûmeta Sûriyeyê û rêxistina terorê YPGyê û her wiha birêvabirina pêvajoya entegrasyonê, Tûxgeneral Ziyad el-Ayîş wekî Nûnerê Taybet ê Serokomariyê hat tayînkirin.

Ji Şêwirmendiya Çapemeniyê ya Serokomariya Sûriyeyê ji SANAya ajansa fermî ya nûçeyan a Sûriyeyê ra daxuyanî hat dayîn.

Di daxuyaniyê da hat diyarkirin, tayînkirina Tûxgeneral Ayîş a wekî Nûnerê Taybet ê Serokomariyê, ji bo xurtkirina dewleta Sûriyeyê li qadê, çareserkirina astengên heyî û çalakkirina xizmetguzariyên qamûyê yên seba welatiyan, hat kirin.

Di daxuyaniyê da her wisa hat balkişandin ku di çarçoveya rêkeftinê da kordînasyona di navbera saziyên têkildar da dê bê pêkanîn û pêvajoya dê bi awayê xwe yê plankirî bê meşandin.

Di navbera rêveberiya Sûriyeyê û YPGyê da di 29ê Rêbendanê da rêkeftineke nû ya agirbest û entegrasyona qedemeyî pêk hatibû.

Di vê çarçoveyê da hêzên ewlekariya navxweyî yên Wezareta Karên Navxweyî di 2yê Sibatê da ketibûn parêzgeha Hesekeyê û di 3yê Sibatê da jî ketibûn navçeya Qamişloyê.