Swîsreyê ji ber sedemên ewlehiyê biryar da ku balyozxaneya xwe ya li Tehranê bi awayekî demkî bigire.

Wezareta Karên Derva ya Swîsreyê di parvekirina xwe ya li ser Xa hesabê medyaya civakî yê Amerîkayê da li ser vê mijarê daxuyaniyek da.

Di daxuyaniyê da wiha hat gotin: "Swîsreyê ji ber rewşa ewlehiyê ya xirab biryar da ku balyozxaneya xwe (li Tehranê) demkî bigire."

Di daxuyaniyê da hat gotin ku balyoz û 5 karmendên Swîsreyî îro bi rêya bejahî ji Îranê derketine û niha li dervayî welêt ewle ne. Herwiha hat gotin ku dema rewşa wan a ewlehiyê destûr bide ewê vegerin Tehranê.

Di daxuyaniyê da her wiha hat gotin, "Swîsre di çarçoveya înîsiyatîfên xwe yên niyeta baş da, kanala ragihandinê ya di navbera DYA û Îranê da vekirî dihêle."

Wezîrê Parastinê yê Swîsreyê Martin Pfister destnîşan kiribû ku DYA û Îsraîlê bi êrîşên xwe yên li ser Îranê qanûna navneteweyî binpê kirine.

- Êrîşên Amerîka û Îsraîlê yên dijî Îranê

Dema pêvajoya mizakereyê ya di navbera Tehran û Washingtonê da dewam dikir, Îsraîl û Amerîkayê di 28ê Sibatê da êrîşên eskerî birin ser Îranê.

Îranê jî tevî Îsraîlê, di serî da yên li Qeter, Mîrektiyên Yekbûyî yên Erebî û Behreynê êrîşî baregehên DYAyê yên li welatên herêmê kir.

Di êrîşên DYA û Îranê da tevî Rêberê Dînî yê Îranê Ayetullah Elî Xamineyî, gelek rayedarên payebilind hatin kuştin.

Li gorî rayedarên Îranî, di êrîşên DYA û Îsraîlê da 1332 kesan canê xwe ji dest dane.