Serokê Amerîkayê Donald Trump diyar kir ku "sîtoleke mezin ber bi Îranê va diçe" û hişyarî da rêveberiya Tehranê ku ew lihevkirinê pêk bînin, heke nekin "êrîşeke hê xirabtir" wê bê kirin.

Trump li ser hesabê xwe yê medyaya civakî wiha got: "Sîtoleke mezin ber bi Îranê va diçe."

Trump destnîşan kir ku ev ji fîloya ku bi pêşengiya keştiya balafir a mezin ya Abraham Lîncoln a ku ji Venezuelayê ra hatiye şandin mezintir e û wiha got: "(Fîlo) Wekî ya li Venezuelayê, heke hewce bike ew amade ye, dixwaze û dikare wezîfeya xwe bi lez û bez pêk bîne."

Trump bang li Îranê kir ku ji bo "peymaneke adil, wekhev û ji her kesî ra baş" bilez bila ew li ser maseya danûstandinan rûnê û anî ziman ku ev peyman wê çekên nukleer nehewîne.

Trump got, "Dem kêm dibe. Ev bi rastî giring e. Wekî ku min berê jî ji Îranê ra gotibû, peymanê çêbikin" û bi bîr xist ku Îranê peyman çênekir, ji ber vê yekê wan jî di 22yê Hezîrana 2025an da Operasyona Çakûçê ya Nîvê Şevê" kir.

Trump wiha got: "Êrîşa din wê hê xirabtir be. Destûrê nedin vê."