Serokê Amerîkayê Donald Trump li Kongreyê di axaftina xwe ya "Rewşa Yekîtiyê" da îdia kir ku Îran hewl dide, fuzeyên bikaribin bigihêjin Amerîkayê dahêne û wiha got, "Terciha min, çareserkirina vê pirsgirêkê bi rêya dîplomasiyê ye. Lêbelê tiştekî teqez heye ku ez ê tu wextî destûrê nedim ku ev welatê piştevanê terorê yê nimro yek ê dinyayê bibe xwedî çeka nukleerî."

Trump li Kongreya Amerîkayê di rûniştina hevbeş a adetî ya bi navê "Rewşa Yekîtiyê" da axivî û sala ewil a serokatiya xwe ya duyem nirxand.

Serokê Amerîkayê Trump di mijara Îranê da ku sernava herî germ a van dawiyan e, peyamên giring dan û bal kişand ku bi Tehranê ra hê jî mizakere tên kirin lêbelê heger rêkeftin pêk neyê, ew bi tedbîr bin.

- "Ez ê tu wextî destûrê nedim ku Îran bibe xwedî çeka nukleerî"

Trump der heqê rageşiya Amerîka-Îranê da wiha got, "Rewşa Yekîtiyê" da îdia kir ku Îran hewl dide, fuzeyên bikaribin bigihêjin Amerîkayê dahêne û wiha got, "Terciha min, çareserkirina vê pirsgirêkê bi rêya dîplomasiyê ye. Lêbelê tiştekî teqez heye ku ez ê tu wextî destûrê nedim ku ev welatê piştevanê terorê yê nimro yek ê dinyayê bi xwedî çeka nukleerî."

Trump îdia kir, Îran li herêma xwe "welatekî piştgirê terorê" ye û diyar kir, dema ku li dijî Amerîkayê tehdîd hebin, vebijêrkên eskerî jî tê da ew timî amade ye ku hemû îhtimalan binirxîne.

- Îran hewl dide ku moşekan çêke û ew moşek bigihêjin Amerîkayê

Trump îdia kir, Îran êdî hewl dide ku moşekan çêke û ew moşek bigihêjin Amerîkayê jî û wiha dewam kir, "Moşekên ku Ewropa û baregehên me yên aliyên din ê behrê tehdîd bike çêkirin û hewl didin ku moşekan çêkin û ew moşek bigihêjin Amerîkayê jî. Hatin hişyarkirin ku bernameyên xwe yên sîlahan, bi taybetî jî sîlahên nukleerê cardin çênekin û ji bonê hewl nedin. Dîsa jî cardin dest bi her tiştî dikin."

Serokê Amerîkayê Trump destnîşan kir, bi dehan salan e polîtîkaya sereke ya Amerîkayê ew e ku destûra çêkirina sîlaha nukleerê nede Îranê û wiha dewam kir, "Bi Îraniyan ra mizakereyên me dewam dikin. Dixwazin peymanê çêkin, lê me hê ev gotina veşartî nebihîstiye: Em ê tu carî nebin xwediyê sîlaha nukleerê."

Trump îdia kir ku di protestoyên li Îranê da 32 hezar kes hatin kuştin, piştî ku ew ket dewrê û şûnda înfazkirina bi sedan xwepêşandêran dan sekinandin.